Без рубрики

Таразда соққыға жығылған 14 жастағы оқушы әлі ауруханада жатыр

Таразда екі баланың арасындағы жанжалдан кейін ауруханаға түскен 14 жастағы оқушы әлі ем қабылдап жатыр. Бұл туралы Құрылтайда ІІМ Әкімшілік полиция комитеті Ювеналды полиция басқармасының бастығы Асхат Дүйсембеков мәлімдеді, деп хабарлайды Tizgin.kz.

2 қарашада Тараз қаласында жасөспірімнің реанимацияға түскені туралы ақпарат тараған болатын. Асхат Дүйсембековтің айтуынша, оқиға екі баланың арасындағы жанжалдан кейін болған.

«Екі баланың арасында кикілжің болған. Сол кезде олардың біреуі екіншісіне қол көтерді. Оқиға мектептен тыс жерде болған. Іс бойынша тергеу жалғасып жатыр. Бала әлі күнге дейін ауруханада», – деді ол.

ІІМ өкілі оқушының қазіргі денсаулық жағдайы туралы қосымша мәлімет берген жоқ. Оқиғаның өзге мән-жайы тергеу барысында анықталады.

Нұрай Әкіремхан

Нұрән Әділет – Tizgin.kz ақпарат-сараптама порталының білім саласына маманданған тілшісі. С.Аманжолов атындағы ШҚМУ-ды “қазақ тілі мен әдебиеті” мамандығы бойынша тәмамдаған. Филология ғылымдарының магистрі. Еңбек жолын ШҚО-дағы “Өскемен” газетінде корректор, артынша тілші болып бастаған. 2022 жылы “Jana Bastau” газетінде редактордың орынбасары болған. Әр жылдары Inbusiness.kz сайтында корректор, Qaz365.kz порталында тілші, Kursiv Media-ның Business News бөлімінің тілшісі болып жұмыс істеген. 2026 жылдың наурыз айынан бастап Tizgin.kz порталының арнайы тілшісі.
Back to top button