ЖаңалықтарТергеу 
Астанада аурухана қызметкері науқастың алтын әшекейлерін ұрлап, ломбардқа өткізген
Науқастың алтын әшекейлері жоғалып кеткен.
Астанада полиция медициналық мекемеде ем қабылдап жатқан әйелдің алтын әшекейлерін ұрлады деген күдікпен 22 жастағы ер адамды ұстады, деп хабарлайды Tizgin.kz.
polisia.kz мәліметінше, әйел ауруханаға түскенде алтын сырғасы мен мойнында алтын алқасы болған. Кейін туыстары әшекейлердің жоғалып кеткенін байқап, полицияға хабарлаған.
Күдікті – бұрынғы аурухана қызметкері
Жедел-іздестіру іс-шаралары барысында криминалдық полиция қызметкерлері күдіктінің жеке басын анықтады. Ол медициналық мекеменің бұрынғы қызметкері болып шыққан.
Ұрланған әшекейлер ломбардқа өткізілген
Алдын ала мәлімет бойынша, ер адам ұрланған алтын сырға мен алқаны ломбардқа тапсырған. Полиция әшекейлерді заттай айғақ ретінде тәркілеп алды.
Қылмыстық іс қозғалды
Аталған дерек бойынша ұрлық фактісімен сотқа дейінгі тергеу жүргізіліп жатыр.