Жамбыл облысында жаңа туған нәрестені қоқысқа тастаған әйел ұсталды, деп хабарлайды Tizgin.kz.
«Ол полиция бөліміне жеткізілді. Әйел кінәсін мойындап, жауап берді. Жан-жақты әрі толық жүргізілген сотқа дейінгі тергеп-тексеру нәтижесі бойынша тиісті процестік шешім қабылданады», – деп хабарлады полиция.
Сәби Қордай аудандық орталық ауруханасының босану бөліміне жеткізілді.
Денсаулық сақтау басқармасының мәліметінше, сәбидің жағдайы орташа ауыр деп бағаланған.
Бұған дейін Жамбыл облысында қоқыс контейнерінен жаңа туған сәби табылғанын хабарлағанбыз.
