Астана қаласының санитариялық-эпидемиологиялық бақылау департаменті Құрбан айт мерекесі қарсаңында құрбандыққа шалуға мал сою, ет өнімдерін сақтау және тұтыну кезінде санитариялық және ветеринариялық талаптарды сақтау қажеттігін ескертті, деп хабарлайды Tizgin.kz.
Бұл шаралардың негізгі мақсаты – инфекциялық және паразиттік аурулардың алдын алу, сондай-ақ тағамнан улану жағдайларын болдырмау.
“Ең алдымен, құрбандыққа мал сою тек арнайы белгіленген орындарда – ресми мал сою пункттері мен жергілікті атқарушы органдар айқындаған алаңдарда жүргізілуі тиіс екенін еске саламыз”, – делінген департамент хабарламасында.
Бұл не үшін маңызды?
Мамандандырылған объектілерде қажетті санитариялық жағдайлар қамтамасыз етіледі:
– сою алдында құрбандыққа шалынатын ірі қаранемесе ұсақ малға ветеринариялық тексеру жүргізіледі;
– сойылғаннан кейін етке ветеринариялық-санитариялық сараптама жасалады;
– өнімді қауіпсіз сақтау және қалдықтарды кәдегежарату үшін қажетті жағдайлар қарастырылған.
Аулаларда, жеке секторларда, тұрғын үйлердіңмаңында немесе басқа да белгіленбеген орындардамалды союға тыйым салынады, өйткені бұлинфекцияның таралу, қоршаған ортаның ластану жәнежұқпалы аурулардың пайда болу қаупін тудырады.
Союға тек ветеринариялық тұрғыдан қолайлышаруашылықтардан шыққан сау малдар ғана жіберіледі.
Етті сақтау талаптарына ерекше назар аудару қажет. Союдан кейін ет салқындатылған күйде сақталуы тиіс. Ет өнімдерін күннің астында, автокөліктерде немесебөлме температурасында ұзақ уақыт қалдыруғаболмайды.
Ет сатып алу кезінде оның сыртқы түріне, түсіне, иісіне және консистенциясына назар аударыңыз.
Жаңадан сойылған ет өнімдерінде бөгде иіс, шырыш, жабысқақтық немесе дақтар болмауы керек.
Тұтынар алдында ет міндетті түрде мұқияттермиялық өңдеуден өткізілуі қажет.
Сондай-ақ келесі ұсынымдарды сақтау маңызды:
– етпен жұмыс істеудің алдында және кейін қолдыжуу;
– шикі ет пен дайын өнімдер үшін бөлек пышақтармен тақтайларды пайдалану;
– дайын тағамдарды тек тоңазытқышта сақтау.
Егер сіз қоғамдық орындарда немесе тұрғын үйсекторында малды рұқсатсыз союға куә болсаңыз, 102 нөмірі арқылы полиция органдарына хабарласу қажет.
