Астанада 19 қыркүйектен бастап №20 және №33 автобустардың бағыты Тілендиев даңғылындағы «Медеу көшесі» аялдамасына дейін ұзартылады, деп хабарлайды Tizgin.kz.
Бұл туралы қалалық мониторинг және жедел әрекет ету орталығы хабарлады.
Маршруттардың қозғалыс сызбасына «Медеу көшесі», «Қарталы көшесі», «Ақан сері көшесі», «Төлеп қонақүйі», «№58 орта мектеп» және «№5 қалалық емхана» аялдамалары қосылады.
Автобустардың қай жерде келе жатқанын Avtobys қосымшасы арқылы бақылауға болады.
