Аралда құдыққа құлаған түйені құтқарушылар аман алып шықты

Қызылорда облысының Арал ауданына қарасты Арал қаласында құдыққа құлаған түйе құтқарылды, деп хабарлайды Tizgin.kz.

Төтенше жағдайлар министрлігінің мәліметінше, Құтқарушылар жануарды қауіпсіз шығару жұмыстарын ұйымдастырды.

«Әбілхайыр Хан көшесіндегі тұрғын үйдің жанындағы құдыққа түйенің түсіп кеткені туралы хабарлама келіп түсті. Оқиға орнына құтқарушылар жедел жетті. Құтқару жұмыстарын жүргізу үшін АҚА-20 арнайы техникасы жұмылдырылды», – деп жазылған хабарламада.

Арнайы техниканың көмегімен түйе құдықтан көтеріліп шығарылып, иесіне тапсырылды. Құтқару операциясы сәтті аяқталды. Жануар аман-есен құтқарылды.