Қазақстан жеңіл атлетика федерациясының құрметті президенті Ольга Рыпакова Жапониядағы Азия ойындарында алтын медальінен айырылған Ясмина Тоқсанбаеваның оқиғасы жөнінде пікір білдірді, деп хабарлайды Tizgin.kz.
Ольга Рыпакова спортшының нәтижесінің жарамсыз деп танылуына (дисквалификация) қатысты жағдайға түсініктеме беретін кез келгенін айтты. Ешқандай жағымсыз пікірлер туындамас үшін мынаны мәлімдегім келеді деді.
“Жасалған әрекеттер техникалық тұрғыдан нормативті актілерге толық сай келді. Ақпарат лезде Туризм және спорт министріне, Жеңіл атлетика федерациясы мен Ұлттық Олимпиада комитетінің (ҰОК) басшылығына жеткізілді. Спортшымыздың алтын медалін күресіп қайтарып алу үшін барлық ресми ресурс қана емес (апелляциялар, наразылықтар, мәлімдемелер), Asics кроссовкаларын өндіруші компанияға жүгіндік. Сондай-ақ Азия жеңіл атлетика қауымдастығы мен World Athletics басшыларының өзара адами сыйластығы да іске қосылды. Қазір ҚР ҰОК спорт заңгерлерімен бірлесіп жұмыс жүргізіліп жатыр”, – дейді ол.
Рыпакова ең жоғары деңгейдегі, әсіресе Олимпиада және Азия ойындары сияқты кешенді жарыстардағы алтын медальдің құнын өз тәжірибесінен өте жақсы білетінін айтты. Мұндай жарыстарда Қазақстанның беделі ұлттық команданың барлық спорт түрі бойынша жалпы есептегі қорытынды орнына тікелей байланысты. Олардың әрқайсысының құны шешуші рөл атқаруы мүмкін.
“Спортшы ретінде менде түрлі деңгейдегі жарыстарда әртүрлі дәрежедегі медальдарды жеңіп алудың мол тәжірибесі бар. Енді олардың қатарына медальді қайтарып алу тәжірибесі қосылып жатыр. Мен «алтынға» құмармын, ол БІЗДІҢ АЛТЫН!
Осы оқиғаға байланысты тағы бір маңызды мәселеге назар аударғым келеді. Ол – кінәлілерді іздеу, «мыстан аулау», «халық жауларын» анықтау және соңынан «басын шабу керек» (жазалау) деген пікірлер байқалады. Осы жолда мен көп сабақ алдым, соның ішінде кінәлілерді іздеу – әлсіздерге тән әдет екенін түсіндім. Күш – оларды іздеуде немесе өткен шақта қалып қоюда емес, керісінше, жауапкершілікті өз мойнына алуда және туындаған жағдайдың шешімін дәл қазір әрі осы жерде табуда. Тиісті қорытынды шығарып, талдау жасау арқылы, кейде ауыр тисе де, оны тәжірибе ретінде қабылдауда”, – дейді ол.
Ясмина Тоқсанбаеның оқиғасы
Жапонияда спортшының Азия ойындарында марафон қашықтығына спорттық жүрістен жеңіп алған алтын медалінен айырылғанын жазған едік. Тоқсанбаева әйелдер арасындағы марафон қашықтығына спорттық жүріс сайысында мәреге бірінші болып жеткен. Алайда жарыстан кейін оның нәтижесіне қатысты наразылық білдірілген.
Осыған байланысты Дүниежүзілік жеңіл атлетика қауымдастығы – World Athletics қазақстандық спортшының жарыста киген аяқкиімін тексерген. Нақтырақ айтқанда, оның жарыста қолдануға рұқсат етілген аяқкиімдер тізіміне кіретін-кірмейтіні қаралып, спортшының нәтижесі жойылды. Осыдан кейін Қазақстан Ұлттық Олимпиада комитеті Азиадада алтын медальдан айырылған Ясмина Тоқсанбаеваның дисквалификациясына қатысты ресми түсініктеме сұратты.
