+38,6°C: Астанада мұндай ыстық 34 жыл бұрын болған
Алдағы күндері ауа температурасы +41...+46 градусқа дейін көтеріледі.
Астанада 14 шілдеде осы күнге қатысты 34 жыл бұрын тіркелген ауа температурасының рекорды жаңарды, деп хабарлайды Tizgin.kz.
«Қазгидромет» мәліметінше, бүгін ауа температурасы +38,6 градусқа дейін көтерілді. Бұл 1992 жылы 14 шілдеде тіркелген +35,3 градустық алдыңғы рекордтан 3,3 градусқа жоғары.
Бұған дейін елордада 23 маусымға қатысты 85 жылдық температуралық рекорд та жаңарған болатын. Сол күні ауа температурасы +36,8 градусқа жеткен.
Синоптиктердің болжамынша, 16–18 шілде аралығында еліміздің оңтүстігінде ауа температурасы +41…+46 градусқа дейін көтеріледі.
Аптап ыстықтың салдарынан жедел медициналық көмекке жүгінетіндер саны да артқан. Алматыда шілде айының алғашқы екі аптасында тұрғындар жедел жәрдем қызметін 33 мыңнан астам рет шақырған.