Бразилиялық футболшы Роналдиньо Біріккен Араб Әмірліктерінде қазақстандық баланың тұсауын кесті. Бұған дейін бүлдіршін әкесі алдына жайып қойған фотолардың арасынан футболшының суретін таңдаған, деп хабарлайды Tizgin.kz.
Сәби кімді таңдады
Әкесі ұлының алдына белгілі саясаткерлердің, кәсіпкерлер мен спортшылардың фотосуреттерін жайып қойған. Олардың арасында Қасым-Жомарт Тоқаев, Дональд Трамп, Илон Маск, Майк Тайсон, Геннадий Головкин және Лионель Мессидің де суреттері болған. Бүлдіршін көп суреттің ішінен Роналдиньоның фотосын алған.
Тұсаукесер Әмірліктерде өтті
Кейін баланың отбасы Біріккен Араб Әмірліктеріне барып, бразилиялық футболшымен кездескен. Сол жерде Роналдиньо қазақтың тұсаукесер дәстүріне қатысып, сәбидің тұсауын өз қолымен кескен.
