Қазақстан мен Өзбекстан азаматтарына шекарадан жеке куәлікпен өтуге рұқсат берілуі мүмкін. Бұл туралы Өзбекстан Сыртқы істер министрлігінің мәлімдемесіне сүйеніп, Tizgin.kz хабарлайды.
Бұл тақырып Өзбекстан сыртқы істер министрінің орынбасары Олимжон Абдуллаев пен Қазақстанның елшісі Ералы Тоғжановтың кездесуінде көтерілді. Өзбекстан тарабы Қазақстанға келетін азаматтар үшін электрондық кіру рұқсатын рәсімдеу тәртібін жеңілдетуді ұсынды.
Дипломаттар Қазақстанда еңбек ететін Өзбекстан азаматтарының құқығын қорғау және жұмыспен қамту мәселелерін талқылады.
Бұл бастама бұған дейін де көтерілген
Қазақстан мен Өзбекстан арасындағы шекарадан жеке куәлікпен өту мәселесі бірнеше жылдан бері талқыланып келеді.
2024 жылдың тамызында Өзбекстан президентінің арнайы өкілі Абдулазиз Камилов екі ел азаматтарының шекарадан өту тәртібін жеңілдету туралы ұсыныс айтқан болатын.
Шешім қабылданғанға дейін екі ел арасындағы шекарадан өту талабы өзгеріссіз қалады.
