Өскемен қаласындағы конденсатор зауытының аумағында ірі өрт шықты. Екі қабатты қойма ғимаратының шатыры өртеніп, жалын 720 шаршы метр аумақты шарпыған, деп хабарлайды Tizgin.kz.
Оқиға қалай болған
ТЖМ мәліметінше, өрт Өскемен қаласындағы Малдыбаев көшесінде орналасқан конденсатор зауытының аумағында болған.
Оқиға орнына алғашқы өрт сөндіру бөлімшелері жеткен кезде екі қабатты қойма ғимаратының шатыры жанып жатқан. Өрттің жалпы аумағы 720 шаршы метрге жеткен.
Өрттің шығу себебі неде
Оқиға орнына келген құтқарушылар бірден өртті сөндіруге кіріскен. Қабылданған шаралардың нәтижесінде жалынның одан әрі таралуына жол берілмей, өрт оқшауланды.Төтенше жағдайлар министрлігінің хабарлауынша, оқиға салдарынан зардап шеккендер жоқ.
Қазіргі уақытта өрттің шығу себебі анықталып жатыр.
