Орал қаласының 44 жастағы тұрғыны әлеуметтік желіде балағат сөз қолданғаны үшін әкімшілік жауапқа тартылды, деп хабарлайды Tizgin.kz.
Полиция қызметкерлері әлеуметтік желілерге мониторинг жүргізу барысында бейәдеп сөздер айтылған бейнежазбаны анықтаған. Осыдан кейін олар бейнежазбаның авторын білу үшін тиісті шаралар қабылдаған.
Тексеру нәтижесінде Орал қаласының 44 жастағы азаматы белгілі болды.
Сот шешімі
Полиция мәліметінше, құқық бұзушыға 10 тәулікке әкімшілік қамауға алу жазасы тағайындалды.
Аталмыш оқиғадан кейін полиция азаматтарға әлеуметтік желілерде де әдеп нормаларын сақтау қажеттігін ескертті.
