Без рубрикиЖаңалықтар

Желтоқсанда қазақстандықтар қанша күн демалады

2026 жылдың желтоқсанында аптасына бес күн еңбек ететін қазақстандықтар 9 күн, ал алты күндік жұмыс істейтіндер 5 күн демалады, деп хабарлайды Tizgin.kz.

Биыл 16 желтоқсан – Қазақстанның Тәуелсіздік күні сәрсенбіге сәйкес келеді. Бұл күн бес күндік және алты күндік жұмыс аптасымен еңбек ететін азаматтар үшін де ресми демалыс саналады.

Бес күндік жұмыс аптасында желтоқсан айында сенбі және жексенбіге сәйкес келетін 8 демалыс күні бар. Тәуелсіздік күнін қосқанда, демалыс күндерінің жалпы саны 9-ға жетеді.

Ал алты күндік жұмыс аптасында жексенбіге сәйкес келетін 4 демалыс күні қарастырылған. 16 желтоқсандағы мерекелік демалысты есептегенде, бұл сан 5 күн болады.

Осылайша, желтоқсанда бес күндік жұмыс аптасымен еңбек ететіндер 22 күн, ал алты күндік жұмыс аптасындағылар 26 күн жұмыс істейді.

Нұрай Әкіремхан

Нұрән Әділет – Tizgin.kz ақпарат-сараптама порталының білім саласына маманданған тілшісі. С.Аманжолов атындағы ШҚМУ-ды “қазақ тілі мен әдебиеті” мамандығы бойынша тәмамдаған. Филология ғылымдарының магистрі. Еңбек жолын ШҚО-дағы “Өскемен” газетінде корректор, артынша тілші болып бастаған. 2022 жылы “Jana Bastau” газетінде редактордың орынбасары болған. Әр жылдары Inbusiness.kz сайтында корректор, Qaz365.kz порталында тілші, Kursiv Media-ның Business News бөлімінің тілшісі болып жұмыс істеген. 2026 жылдың наурыз айынан бастап Tizgin.kz порталының арнайы тілшісі.
Back to top button