2026 жылғы 8 тамызда Бельгия Королі Филипп Қазақстан Президенті Қасым-Жомарт Тоқаевқа жауап жеделхатын жолдады, деп хабарлайды Tizgin.kz.
Жеделхатында Король Филипп Мемлекет басшысына Бельгияның Ұлттық күніне орай жолдаған ізгі тілегі мен құттықтауы үшін шынайы алғысын білдірді. Бұл туралы Ақорданың баспасөз қызметі мәлімдеді.
Сондай-ақ Бельгия монархы Қасым-Жомарт Тоқаевтың шақыруымен биыл Қазақстанға жоспарланған мемлекеттік сапарын асыға күтетінін жеткізді.
Еске сала кетейік, 21 шілдеде Мемлекет басшысы Қасым-Жомарт Тоқаев Бельгия Королі Филиппті Ұлттық күнімен құттықтап, Брюссельге жасаған сапарын атап өткен болатын.
