«Ауыл» партиясы өз қатарынан 69 адамды Құрылтай депутаттығына ұсынды, деп хабарлайды Tizgin.kz.
Журналистер партия сьезінен кейін Жигули Дайрабаевтан не үшін сайлауға түскелі отырғанын сұрады. 72 жастағы саясаткер күш-қарымын журналист Асхат Ниязовпен қолтіресе көрсетті.
«АҚШ-та да, Ұлыбританияда да 75 жастағы депутаттар, лордтар қызмет атқарып жүр. Ал бізге оған дейін әлі төрт жыл бар. Сондықтан өмір әлі алда. Күш-қуатымыз да жеткілікті. Сондықтан күресеміз», – деді қол күрестен жеңген Дайрабаев.
Айта кетейік, бүгін «Ауыл» партиясының кезектен тыс XXVI съезінде партияның сайлауалды бағдарламасы, Құрылтай депутаттығына кандидаттардың партиялық тізімі және саяси кеңестің жаңа құрамы бекітілді.
