Қарағандыда TikTok желісінде әйел кейпіне еніп танылған 56 жастағы тұрғын әкімшілік жауапкершілікке тартылды, деп хабарлайды Tizgin.kz.
Құқық қорғау органдары интернет кеңістігіне жүргізілген мониторинг кезінде Қарағанды тұрғыны Еркен Жантықпаевтың TikTok-тағы парақшасына назар аударған.
Полиция мәліметінше, ол әйелдер киімін киіп, «құқыққа қайшы мазмұндағы» бейнематериалдар жариялаған.
Сот шешімі
Полиция аталған дерек бойынша тиісті шара қабылданғанын хабарлады. Сот қаулысымен Жантықпаевқа 10 тәулік әкімшілік қамау жазасы тағайындалып, ресми ескерту жасалған.
Құқық қорғау органдары оның әрекеттері заң талаптары мен қоғамдық тәртіпке қайшы деп бағаланғанын мәлімдеді.
Полицияның соңғы дерегіне сәйкес, Жантықпаев әлеуметтік желілердегі аккаунттарын жойған. Соған қарамастан, оған қатысты бақылау жалғасады.
Жауапкершілік күшейеді
Ведомство ресми ескерту талаптары қайта бұзылған жағдайда қолданыстағы заңнама аясында неғұрлым қатаң жауапкершілік қарастырылуы мүмкін екенін ескертті.
Осыған байланысты полиция әлеуметтік желі қолданушыларын жариялайтын контентіне жауапкершілікпен қарауға, заң талаптарын сақтауға және қоғамдық тәртіпке қайшы материал таратпауға шақырды.
