Қазақстандық балуан Юсуф Ашрапов Лас-Вегаста өтіп жатқан грек-рим күресінен 23 жасқа дейінгі спортшылар арасындағы әлем чемпионатында алтын медаль жеңіп алды. Бұл – Қазақстан құрамасының осы турнирдегі екінші алтыны, деп хабарлайды Tizgin.kz.
Финалда бір ұпай айырмасымен жеңді
Юсуф Ашрапов 72 келіге дейінгі салмақ дәрежесінің финалында армениялық Гаспар Тертерянмен белдесті.
Шешуші кездесуде қазақстандық балуан қарсыласын 4:3 есебімен жеңіп, U23 әлем чемпионы атанды.
Қазақстан қоржынында екі алтын бар
Бұған дейін Қазақстан құрамасының балуаны Айбек Айтбеков 60 келіге дейінгі салмақ дәрежесінде әлем чемпионы атанған еді.
Ашраповтың жеңісінен кейін Қазақстанның осы әлем чемпионатындағы алтын медаль саны екіге жетті.
