Қазақстандағы студенттік жатақханаларда тұру құны қандай
Ведомство студенттік жатақханалардағы тұру құнының орташа бағасын тұрақты түрде бақылап, талдап отырады.
Ғылым және жоғары білім министрі Саясат Нұрбек студенттік жатақханалардағы тұру құны туралы пікір білдірді, деп хабарлайды Tizgin.kz.
Ең қымбат жатақхана – Алматыда
Министрдің айтуынша, қазіргі уақытта мемлекеттік және жоғары оқу орындарының жатақханаларында тұру ақысының айтарлықтай қымбаттауы байқалмайды.
«Қазіргі таңда орташа ең жоғары төлем Алматы қаласында – айына шамамен 40 мың теңге. Ал ең төменгі көрсеткіштердің бірі Жамбыл облысында – айына 8 350 теңге шамасында. Әрине, бағасын өздері белгілейтін жеке хостелдер мен жекеменшік университеттердің жатақханалары да бар», – деді Саясат Нұрбек Үкіметтегі брифингте.
Министрлік жатақхана бағасын бақылауда ұстап отыр
Министрдің сөзінше, ведомство студенттік жатақханалардағы тұру құнының орташа бағасын тұрақты түрде бақылап, талдап отырады.
Еске салсақ, бұған дейін Қазақстанда жатақханадан орын ала алмаған студенттердің қайда жүгінуі керектігі туралы хабарланған болатын.