2026 жылғы 1-2 тамыз күндері Астанада кезекті ауыл шаруашылығы жәрмеңкесі өтеді, деп хабарлайды Tizgin.kz.
Қала әкімдігінің баспасөз қызметінің мәліметінше, жәрмеңкеге келушілер Қазақстанның түрлі өңірлерінен жеткізілген жергілікті фермерлер мен өндірушілердің балғын өнімдерін қолжетімді бағамен сатып ала алады.
Сауда сөрелеріне көкөніс пен жеміс-жидек, ет, сүт және ұн өнімдері, нан-тоқаш өнімдері, табиғи шырындар, тосап, джем және басқа да тауарлар қойылады.
Жәрмеңке күн сайын сағат 10:00-ден 19:00-ге дейін Keryen Joly сауда орталығының аумағында Алаш тас жолы, 35Б мекенжайында өтеді.
Жәрмеңке өтетін орынға №7, 11, 39, 41, 45, 53, 59, 81, 307 және 317 бағытындағы автобустармен жетуге болады.
