Ақтөбеде TikTok желісіндегі тікелей эфир кезінде балағат сөз айтып, әдепсіз ишара көрсеткен ер адам бес тәулікке әкімшілік қамауға алынды. Бұл туралы Polisia.kz хабарлады.
Полиция қызметкерлері әлеуметтік желідегі тікелей эфирде әдепсіз сөздер айтып, ишаралар көрсеткен Ақтөбе тұрғынының кім екенін анықтаған. Ол — 42 жастағы Абдулла Қоңырбаев.
Сот бес тәулікке қамау жазасын тағайындады
Сот шешімімен ер адам бес тәулікке әкімшілік қамауға алынды.
Полиция әлеуметтік желілер де қоғамдық кеңістік екенін еске салды. Ведомство өкілдері тікелей эфирде болу заң бұзғаны үшін жауапкершіліктен босатпайтынын атап өтті.
