Жаңалықтар 
Алматы маңындағы тауларда болған тас көшкіні видеоға түсіп қалды
Оқиға сәті әлеуметтік желілерде жарияланды.
Жазба сипаттамасында тас көшкіні Турист шыңында болғаны, ал видеоның Пила шыңынан түсірілгені айтылған, деп хабарлайды Tizgin.kz.
Шыңдар Іле-Алатау ұлттық табиғи паркінің аумағында орналасқан
Турист шыңы мен Пила шыңы Іле Алатауы жотасында, Іле-Алатауы ұлттық табиғи паркінің аумағында орналасқан.
Бұл шыңдардың беткейлері тұрақсыз үйінділер мен оңай қозғалатын тастардан тұрады. Олар ауа температурасының күрт өзгеруі немесе мұздықтардың еруі салдарынан қозғалысқа келуі мүмкін.
Туристерге сақ болу ұсынылады
Осы аймақта жүрген туристерге барынша сақ болып, тік және борпылдақ тас үйінділері бар беткейлерден аулақ жүру ұсынылады.