Алматы облысының Қарасай аудандық сотында судья Шолпанқұлованың төрағалық етуімен Жақсыген Нұрсұлтанға қатысты сот үкімі жарияланды. Бұл туралы Фариза Сабыралиеваның адвокаты мәлімдеді, деп хабарлайды Tizgin.kz.
Әлеуметтік желілерде сөз сөйлеуге тыйым салынды
Сот Жақсыген Нұрсұлтанды кінәлі деп танып, оған 2 жыл 3 ай мерзімге бас бостандығынан айыру жазасын тағайындады. Жаза қылмыстық-атқару жүйесінің қауіпсіздігі орташа мекемесінде өтелетін болады.
Сонымен қатар, сот үкімімен оған 5 жыл мерзімге бұқаралық ақпарат құралдарында және әлеуметтік желілерде сөз сөйлеуге тыйым салынды.
5 миллион теңге өндірілді
Сабырәлиева Фаризаның азаматтық талабы ішінара қанағаттандырылып, оның пайдасына 5 000 000 теңге өндірілді. Сот үкімі жарияланғаннан кейін Жақсыген Нұрсұлтан тікелей сот залында қамауға алынды.
Еске салсақ, Нұрсұлтан Жақсыген бұрынғы жұбайы Фариза Сабыралиевамен соттасқанын жаздық. Сабыралиева видео жариялап, біраз уақыт бойы өзі туралы шындыққа жанаспайтын және абыройына нұқсан келтіретін ақпарат таратылғанын айтты.
