Алдағы үш күнде аумағының басым бөлігі жоғары атмосфералық қысым өрісінің ықпалында болады, деп хабарлайды Tizgin.kz.
“Қазгидромет” РМК мәліметінше, атмосфералық фронттар әсерінен елдің батысында, оңтүстігі мен оңтүстік-шығысында кей жерлерде найзағай ойнап, өткінші жаңбыр жауады. Жекелеген аудандарда жел екпіні күшейеді.
“Республиканың басым бөлігінде жаздағыдай жылы ауа райы сақталады”, – делінген “Қазгидромет” хабарламасында.
Алайда шығыс өңірлер мен оңтүстік-шығыстың таулы аудандарында түнгі уақытта күн салқын болады.
Күндізгі ауа температурасы:
- батыста, солтүстікте және орталықта +25…+33°C;
- шығыста +20…+25°C;
- оңтүстікте +28…+37°C;
- оңтүстік-шығыста +20…+30°C шамасында болады.
