Экс-президент Нұрсұлтан Назарбаевтың немере інісі Қайрат Сатыбалды мемлекетке қайтарған «Байсат» базары аукционда сатылды, деп хабарлайды Tizgin.kz.
Баға қаншаға түсірілді
Қайтарылған активтерді басқару компаниясы (KUVA) бағасын шамамен 13%-ға түсірген. Шамалап алғанда базар 24,7 млрд теңгеге сатылды.
Әу бастағы бағасы
Sauda порталындағы электронды аукцион 7 тамыз күні түскі сағат 12.00-де өтті. Саудаға бір субъект қатысып, базарды 24 772 753 285 теңгеге сатып алды. Әзірге Алматыдағы қымбат нысанды кім сатып алғаны белгісіз.
Әу баста бағалаушылар «Байсат» құнын 28,6 млрд теңге деп бағалаған.
