Павлодарда бір жарым жасар бала Торайғыров көшесіндегі тұрғын үйдің терезесінен құлап кетті, деп хабарлайды Tizgin.kz.
Жедел жәрдем оқиға орнына 2 минутта жеткен
Жедел жәрдем қызметіне шақырту 30 шілде күні сағат 19:23-те түскен. Бірінші санаттағы шұғылдық бойынша шыққан медицина бригадасы оқиға орнына небәрі екі минутта жеткен.
Дәрігерлер баланы аман алып қала алмады
Дәрігерлердің жедел әрекетіне қарамастан, баланы аман алып қалу мүмкін болмады. Оқиға орнында оның қайтыс болғаны тіркелді. Оқиғаның мән-жайы анықталып жатыр. Мамандар ата-аналарға қауіпсіздік ережелерін қатаң сақтап, кішкентай балаларды ашық тұрған терезелердің жанында қараусыз қалдырмауға шақырады.
