Жаңалықтар
Меморгандар Instagram мен Facebook парақшаларды бұғаттай ала ма
Қазақстанның мемлекеттік органдары әлеуметтік желілердегі аккаунттарды өз бетінше бұғаттай алмайды. Мәдениет және ақпарат министрі Арман Қырықбаев Meta платформаларындағы парақшаларға қатысты қандай жағдайда шара қолданылуы мүмкін екенін түсіндірді, деп хабарлайды Tizgin.kz.
Министрдің айтуынша, бұл әрекет тек сот шешімі негізінде жүзеге асырылуы мүмкін. Егер белгілі бір аккаунтта жарияланған ақпарат сот арқылы заңсыз деп танылса, мемлекеттік орган тиісті шешімді Meta компаниясына жолдап, сол материалды өшіруді сұрай алады.
Қырықбаевтың сөзінше, мемлекеттік органның сот шешімінсіз әлеуметтік желідегі парақшаны тікелей бұғаттауға құзыреті жоқ. Сонымен қатар министр Meta компаниясының мұндай мәселелерде өз ұстанымын қорғай алатынын атап өтті.