Орталық сайлау комиссиясы 23 тамызға белгіленген Құрылтай депутаттарының сайлауына қатысатын «Қазақстанның «Байтақ» жасылдар партиясы» қоғамдық бірлестігінің партиялық тізімін ресми түрде тіркеді, деп хабарлайды Tizgin.kz.
ОСК қандай шешім қабылдады
Орталық сайлау комиссиясының қаулысына сәйкес, партияның партиялық тізімі ресми тіркеуден өтті.
Сондай-ақ партиялық тізім бойынша ұсынылған Құрылтай депутаттығына кандидаттарға тиісті куәліктер беріледі.
Ары қарай не болады
Қаулыға сәйкес:
- ОСК аппараты партиялық тізімнің тіркелгені туралы мәліметтерді арнайы уақытша шот ашу үшін «Қазақстан Халық банкі» АҚ-ға жолдайды;
- партиялық тізімнің тіркелгені туралы хабарлама бұқаралық ақпарат құралдарында және Орталық сайлау комиссиясының ресми интернет-ресурсында жарияланады;
- «Қазақстанның «Байтақ» жасылдар партиясы» атауы сайлау бюллетеніне енгізіледі.
Айта кетейік, Құрылтай депутаттарының сайлауы 2026 жылғы 23 тамызда өтеді. Орталық сайлау комиссиясы бұған дейін бірқатар саяси партиялардың партиялық тізімдерін кезең-кезеңімен тіркеп жатыр.
Бұған дейін “Байтақ” партиясының Құрылтайға қатысты бірінші съезі шумен өткен еді.
