Алдағы демалыс күндері, 14 және 15 қарашада Қазақстанның басым бөлігінде ауа райы құбылмалы болады. Синоптиктер қар, жаңбыр, көктайғақ, тұман және желдің күшеюін болжап отыр. Елдің батысында кей жерлерде қатты жаңбыр жауса, солтүстік, орталық және шығыс өңірлерде түнгі аяз сақталады, деп хабарлайды Tizgin.kz «Қазгидрометке» сілтеме жасап.
14 қараша: солтүстікте қар, орталықта көктайғақ, батыста жылы ауа райы
Сенбі, 14 қарашада еліміздің көптеген облысында жауын-шашын күтіледі. Солтүстік және орталық өңірлерде негізінен қар және жаңбыр аралас қар жауады.
Ақмола облысында аздаған қар жауады. Түнде және таңертең облыстың батысында, солтүстігінде және шығысында тұман түседі. Ауа температурасы түнде 0…-5 градус, күндіз -2…+3 градус болады.
Солтүстік Қазақстан облысында түнде батыс, солтүстік және оңтүстік аудандарда аздаған қар жауады. Күндіз жаңбыр аралас қар күтіледі. Кей жерлерде тұман түсіп, желдің екпіні секундына 15-20 метрге жетеді.
Қостанай облысында батыс және солтүстік аудандарда жаңбыр аралас қар жауып, көктайғақ болады. Түнде ауа температурасы -3…+2 градус, күндіз 0…+5 градус шамасында сақталады.
Павлодар облысында түнде оңтүстік аудандарда аздаған қар жауады, кей жерлерде тұман түседі. Түнде ауа температурасы -3…-8 градусқа дейін төмендеп, күндіз -1…+4 градус болады.
Қарағанды облысында қар жауып, тұман мен көктайғақ күтіледі. Түнде ауа температурасы 0…-5 градус, шығысында -8 градусқа дейін төмендейді. Күндіз -3…+2 градус, оңтүстігінде +5 градусқа дейін жылынады.
Ұлытау облысында жаңбыр мен қар жауып, кей жерлерде тұман түседі. Түнде -1…-6 градус, күндіз -3…+2 градус, оңтүстігінде +5 градусқа дейін жылынады.
Шығыс Қазақстан облысында жаңбыр мен қар жауып, тұман және көктайғақ болады. Түнде ауа температурасы 0…-5 градус, шығысы мен таулы аудандарында -8 градусқа дейін төмендейді. Күндіз +2…+7 градус, кейбір таулы аймақтарда -2 градус болады.
Абай облысында жаңбыр аралас қар жауып, тұман мен көктайғақ күтіледі. Түнде -1…-6 градус, күндіз -2…+3 градус болады.
Еліміздің батысында салыстырмалы түрде жылы ауа райы сақталады.
Батыс Қазақстан облысында жаңбыр жауып, тұман түседі. Желдің екпіні секундына 15-20 метрге дейін күшейеді. Күндіз ауа температурасы +4…+9 градус болады.
Атырау облысында жаңбыр мен қар жауады, күндіз негізінен жаңбыр күтіледі. Ауа температурасы +5…+10 градусқа дейін көтеріледі.
Маңғыстау облысында күндіз батыс аудандарда жаңбыр жауады. Ауа температурасы +8…+13 градус болады.
Ақтөбе облысында батыс және солтүстік аудандарда аздаған жаңбыр аралас қар жауып, кей жерлерде көктайғақ болуы мүмкін. Күндіз +2…+7 градус күтіледі.
Еліміздің оңтүстігі мен оңтүстік-шығысында да ауа райы тұрақсыз болады.
Алматы облысында түнде таулы аудандарда аздаған қар жауып, кей жерлерде тұман түседі. Таулы аймақтарда түнде -8…-13 градус, күндіз -1…-6 градус болады. Облыстың қалған аумағында күндіз +2…+7 градус күтіледі.
Жетісу облысында таулы аудандарда қар және жаңбыр аралас қар жауып, тұман мен көктайғақ болады. Алакөл көлдері ауданында күндіз желдің екпіні секундына 23-28 метрге дейін жетуі мүмкін.
Түркістан облысында таңертең және күндіз оңтүстік аудандарда жауын-шашын, негізінен жаңбыр күтіледі. Кей жерлерде тұман түседі. Күндіз ауа температурасы +5…+10 градус болады.
Жамбыл облысында күндіз таулы аудандарда жаңбыр мен қар жауады. Кей жерлерде тұман түсіп, желдің екпіні секундына 15-20 метрге жетеді.
Қызылорда облысында жауын-шашын күтілмейді. Алайда түнде және таңертең кей жерлерде тұман түседі. Күндіз ауа температурасы +3…+8 градус болады.
15 қараша: батыста қатты жаңбыр, солтүстік өңірлерде қар жауады
Жексенбі, 15 қарашада да еліміздің бірқатар өңірінде ауа райы құбылмалы болады. Жаңбыр аралас қар, көктайғақ және желдің күшеюі болжанып отыр.
Ақмола облысында түнде оңтүстік және шығыс аудандарда қар жауып, көктайғақ болады. Батысында, солтүстігінде және шығысында түнде және таңертең тұман түседі. Кей жерлерде желдің екпіні секундына 15-20 метрге жетеді.
Солтүстік Қазақстан облысында түнде шығыс аудандарда аздаған қар, күндіз батысында жаңбыр аралас қар жауады. Желдің екпіні кей жерлерде секундына 15-20 метрге дейін күшейеді.
Қостанай және Ақтөбе облыстарында түнде батыс және солтүстік аудандарда жаңбыр аралас қар, күндіз негізінен жаңбыр күтіледі. Кей жерлерде жел секундына 15-20 метрге дейін күшейеді.
Павлодар облысында түнде батыс, солтүстік және оңтүстік аудандарда қар жауады. Күндіз жаңбыр аралас қар күтіледі. Кей жерлерде тұман түсіп, батысы мен оңтүстігінде желдің екпіні секундына 15-20 метрге жетеді.
Қарағанды облысында түнде солтүстік, оңтүстік және шығыс аудандарда қар жауып, көктайғақ болады. Күндіз жаңбыр аралас қар жауып, көктайғақ сақталады. Батыс және солтүстік аудандарда түнде және таңертең тұман түседі.
Шығыс Қазақстан облысында түнде шығыс және таулы аудандарда аздаған қар жауып, көктайғақ болуы мүмкін. Кей жерлерде тұман күтіледі.
Абай облысында күндіз батыс және оңтүстік аудандарда аздаған жаңбыр аралас қар жауады. Түнде және таңертең кей жерлерде тұман түседі.
Еліміздің батысында жаңбырлы ауа райы сақталады.
Батыс Қазақстан облысында жаңбыр жауады. Облыстың батысы мен солтүстігінде қатты жаңбыр күтіледі. Түнде ауа температурасы +6…+11 градус, батысында шамамен +3 градус болады.
Атырау облысында жаңбыр жауып, күндіз солтүстік және оңтүстік аудандарда жауын-шашын күшейеді. Түнде ауа температурасы +6…+11 градус, күндіз +8…+13 градус болады.
Маңғыстау облысында батыс және солтүстік аудандарда жаңбыр жауады. Күндіз ауа температурасы +10…+15 градусқа дейін көтеріледі.
Алматы облысында түнде таулы аудандарда қар жауады. Күндіз солтүстік, оңтүстік және таулы аймақтарда жаңбыр мен қар күтіледі. Таулы аудандарда тұман түсіп, көктайғақ болады. Оңтүстік, шығыс және таулы аудандарда жел секундына 15-20 метрге, кей уақытта 23-28 метрге дейін күшеюі мүмкін.
Жетісу облысында түнде таулы аудандарда қар жауады. Күндіз солтүстігінде, орталығында және таулы аймақтарда жаңбыр аралас қар күтіледі. Таулы аудандарда түнде көктайғақ болуы мүмкін. Алакөл көлдері ауданында желдің екпіні секундына 15-20 метрге жетеді.
Жамбыл облысында шығыс және таулы аудандарда жаңбыр мен қар жауады. Солтүстігінде және таулы аймақтарда тұман түсіп, кей жерлерде жел секундына 15-20 метрге дейін күшейеді.
Түркістан облысында түнде және таңертең батыс, солтүстік, таулы және тау бөктеріндегі аудандарда тұман күтіледі.
Қызылорда облысында түнде және таңертең солтүстік, шығыс және орталық аудандарда тұман түседі.
Қай өңірлерде ауа райы ерекше қауіпті болады
Синоптиктердің болжамынша, демалыс күндері еліміздің бірнеше өңірінде қолайсыз ауа райы құбылыстары күтіледі. 15 қарашада Батыс Қазақстан және Атырау облыстарының жекелеген аудандарында қатты жаңбыр жауады. Ал Алакөл көлдері ауданында және Алматы облысының кейбір аймақтарында желдің екпіні секундына 23-28 метрге дейін жетуі мүмкін. Солтүстік, орталық және шығыс өңірлерде қар, көктайғақ пен тұман жол қозғалысына қосымша қауіп төндіреді.
Осыған байланысты жүргізушілерге алыс жолға шығар алдында ауа райын ескеріп, қауіпсіз арақашықтықты сақтап, жылдамдықты шектеу ұсынылады. Әсіресе қалааралық тасжолдарда, көпірлерде және көктайғақ болуы мүмкін жол учаскелерінде сақтық шараларын күшейткен жөн. «Қазгидромет» мәліметінше, ел аумағының басым бөлігінде жауын-шашынды, құбылмалы ауа райы келесі аптаның басында да сақталады.
