Жаңалықтар

Халық әртісі, композитор Бақир Баяхунов өмірден өтті

Қазақстанның халық әртісі, көрнекті композитор Бақир Баяхунов өмірден өтті. Мәдениет және ақпарат министрлігі профессордың отбасы мен туған-туыстарына, жақындарына, әріптестері мен шәкірттеріне көңіл айтты, деп хабарлайды Tizgin.kz.

Саналы ғұмырын музыка өнеріне арнаған Бақир Баяхунов отандық композиторлық мектептің қалыптасуы мен дамуына елеулі үлес қосты. Ол қырық жылдан астам уақыт Құрманғазы атындағы Қазақ ұлттық консерваториясында еңбек етіп, бірнеше буын кәсіби музыкант тәрбиеледі. Ол шәкірттеріне білім беріп қана қоймай, өнердің қадір-қасиетін ұғындырып, шығармашылық жолда бағыт-бағдар көрсетті.

Бақир Яхияұлының бай шығармашылық мұрасы, ұстаздық өнегесі мен жарқын бейнесі ел жадында мәңгі сақталады.

Нұрай Әкіремхан

Нұрән Әділет – Tizgin.kz ақпарат-сараптама порталының білім саласына маманданған тілшісі. С.Аманжолов атындағы ШҚМУ-ды “қазақ тілі мен әдебиеті” мамандығы бойынша тәмамдаған. Филология ғылымдарының магистрі. Еңбек жолын ШҚО-дағы “Өскемен” газетінде корректор, артынша тілші болып бастаған. 2022 жылы “Jana Bastau” газетінде редактордың орынбасары болған. Әр жылдары Inbusiness.kz сайтында корректор, Qaz365.kz порталында тілші, Kursiv Media-ның Business News бөлімінің тілшісі болып жұмыс істеген. 2026 жылдың наурыз айынан бастап Tizgin.kz порталының арнайы тілшісі.
Back to top button