«Біз үшін өліп пе»: қаралы күнде қаза тапқан сарбаздар рухына құрмет танытпаған жігіт қамалды
Полиция қызметкерлері әлеуметтік желілерге жүргізілген мониторинг барысында TikTok желісіндегі тікелей эфирді анықтады, деп хабарлайды Tizgin.kz.
Тікелей эфир кезінде қоғамдық тәртіп бұзылған
Эфир барысында Шымкент қаласының 21 жастағы тұрғыны Нұрахмет Бердібай көрерменнің қаралы күнге қатысты сұрағына жауап берген. Көрермендердің бірі қаралы күн туралы айтқанда, ол: «Қаралы күн? Біз үшін өлді ме?» деп жауап беріп, артынша балағат сөз айтқан.
Полицияның мәліметінше, ол қоғамға құрметсіздік танытатын сипаттағы сөздер айтып, қоғамдық тәртіпті бұзған.
Тікелей эфирге 22 жастағы Абзал Мусурманқұл және Бақдәулет Мустафа да қатысқан.
Сот шешімі шықты
Сот шешімімен Нұрахмет Бердібай 10 тәулікке әкімшілік қамауға алынды.
Сонымен қатар үш азаматқа да қоғамға жат мінез-құлыққа жол бермеу туралы ресми ескерту берілді.
Олардың үшеуі де бір ай мерзімге ішкі істер органдарының профилактикалық есебіне қойылды.