Қорғаныс министрлігі “2026 жылы әскери міндеттілерді әскери жиындарға шақыру туралы” бұйрықты жариялады, деп хабарлайды Tizgin.kz Tengrinews.kz-ке сілтеме жасап.
БҰЙРЫҚ ҚАШАН ҚОЛДАНЫСҚА ЕНЕДІ
Бұйрыққа сәйкес, биыл әскери жиындарға үш мың әскери міндетті шақырылады. Оның орындалуын бақылау Қазақстан Қарулы күштері Бас штабының басшылығына жүктеледі.
Бұйрық 2026 жылдың 19 сәуірінен бастап қолданысқа енгізіледі.
МӘН-ЖАЙЫ
Еске сала кетейік, 17 наурыздан бастап әкім орынбасарларының төрағалығымен қалалық және аудандық шақыру комиссиялары қазақстандықтарды мерзімді әскери қызметке шақыруға кірісті. Қарулы күштер Бас штабы Ұйымдастыру-жұмылдыру жұмыстары департаментінің бастығы Алмас Исабековтың айтуынша, 30 маусымға дейін әскерге 18 бен 27 жас аралығындағы 21 мың азаматты шақыру жоспарланған.
