Белгілі экономист әрі сарапшы Расул Рысмамбетов Бірыңғай жинақтаушы зейнетақы қорының (БЖЗҚ) тәуелсіз директоры қызметіне тағайындалды. Оның кандидатурасын Қаржы нарығын реттеу және дамыту агенттігі мақұлдады, деп хабарлайды Tizgin.kz.
Тиісті шешім 3 тамызда қабылданғаны туралы агенттіктің баспасөз қызметі хабарлады.
БЖЗҚ-ның ресми сайтындағы мәліметке сәйкес, Расул Рысмамбетов қордың директорлар кеңесінің құрамына 22 маусымда сайланған. Сонымен қатар ол Аудит комитетінің, Кадрлар, сыйақы және әлеуметтік мәселелер жөніндегі комитеттің, сондай-ақ Стратегиялық жоспарлау комитетінің құрамына енді.
Расул Рысмамбетов бұған дейін Borrelli Walsh / Kroll халықаралық компаниясында қаржылық кеңесші және серіктес болып жұмыс істеген. Ал 2024 жылғы тамыздан 2026 жылғы мамырға дейін Назарбаев университетінің Ұлттық талдау орталығын басқарған.
