Жаңалықтар

Астанада 1000-нан астам бос жұмыс орны ұсынылады

Астанада бос жұмыс орындары жәрмеңкесі өтеді. Іс-шараға 50 жұмыс беруші қатысып, 1000-нан астам бос жұмыс орнын ұсынады, деп хабарлайды Tizgin.kz.

Жәрмеңке жұмыс іздеп жүрген жастарға бірнеше компанияның ұсынысын бір жерден салыстырып, жұмыс берушілермен тікелей сөйлесуге мүмкіндік береді.

Қатысушылар бос лауазымдармен танысып қана қоймай, еңбек жағдайы, жалақы мен жұмысқа қабылдау талаптары жөнінде қажетті ақпаратты тікелей компания өкілдерінен біле алады.

Бұдан бөлек, жәрмеңке барысында жұмыс берушілермен сұхбаттасып, өзіне сәйкес бос орын табылған жағдайда жұмысқа орналасуға мүмкіндік бар.

Бос жұмыс орындары жәрмеңкесі 27 тамыз күні сағат 14:00-ден 16:00-ге дейін «Жастар» сарайында өтеді. (Мекенжайы: Астана қаласы, Республика көшесі, 34).

Іс-шараға жұмыс іздеп жүрген және еңбек нарығындағы ұсыныстармен танысқысы келетін жастар қатыса алады.

Нұрай Әкіремхан

Нұрән Әділет – Tizgin.kz ақпарат-сараптама порталының білім саласына маманданған тілшісі. С.Аманжолов атындағы ШҚМУ-ды “қазақ тілі мен әдебиеті” мамандығы бойынша тәмамдаған. Филология ғылымдарының магистрі. Еңбек жолын ШҚО-дағы “Өскемен” газетінде корректор, артынша тілші болып бастаған. 2022 жылы “Jana Bastau” газетінде редактордың орынбасары болған. Әр жылдары Inbusiness.kz сайтында корректор, Qaz365.kz порталында тілші, Kursiv Media-ның Business News бөлімінің тілшісі болып жұмыс істеген. 2026 жылдың наурыз айынан бастап Tizgin.kz порталының арнайы тілшісі.
Back to top button