Мемлекет басшысының Жарлығымен Асламбек Амангелдіұлы Мерғалиев Қазақстан Республикасы Жоғарғы сотының төрағасы болып тағайындалды. Бұл туралы Ақорданың баспасөз қызметі хабарлады.
Асламбек Мерғалиев 1972 жылы дүниеге келген. Әл-Фараби атындағы Қазақ мемлекеттік ұлттық университетін заңгер мамандығы бойынша тәмамдаған.
Еңбек жолын прокуратура органдарында бастап, кейін сот жүйесінде түрлі жауапты қызметтер атқарды. Әр жылдары аудандық және облыстық соттардың судьясы, сот алқаларының төрағасы болды. Сондай-ақ Жоғарғы сот судьясы қызметін атқарып, сот жүйесін жетілдіру мен сот төрелігін дамытуға бағытталған жұмыстарға қатысты.
Жоғарғы сот – еліміздегі азаматтық, қылмыстық және өзге де істер бойынша сот төрелігін жүзеге асыратын ең жоғары сот органы. Оның төрағасы сот жүйесінің жұмысын үйлестіріп, сот практикасының бірізділігін қамтамасыз етуге жауап береді.
