Арменияның премьер-министрі Никол Пашинян 9-шақырылымдағы ұлттық жиналыстың алғашқы отырысы өткен күні қызметінен кетті. Бұл – ел Конституциясында көзделген рәсім, деп хабарлайды Tizgin.kz.
Пашинян не себепті отставкаға кетті
Армения Конституциясына сәйкес, жаңа сайланған парламенттің алғашқы сессиясы басталған күні премьер-министр бастаған үкімет автоматты түрде отставкаға кетеді.
Алайда бұл үкіметтің жұмысын толық тоқтататынын білдірмейді. Министрлер кабинеті жаңа үкімет жасақталғанға дейін өз міндеттерін атқаруды жалғастырады.
Жаңа премьер-министр қалай тағайындалады
Жаңа парламенттің өкілеттігі күшіне енгеннен кейін Армения президенті билік басындағы фракцияның ұсынуымен премьер-министрді тағайындайды.
Айта кетейік, Никол Пашинян 30 шілдеде қазіргі құрамдағы үкіметтің соңғы отырысы өткенін мәлімдеген болатын.
Парламент сайлауында кім жеңіске жетті
7 маусымда өткен парламент сайлауында Никол Пашинян жетекшілік ететін «Азаматтық келісім» партиясы жеңіске жетті. Нәтижесінде партия жаңа үкіметті өз бетінше жасақтау құқығына ие болды.
