«Tizgin» ЖШС-нің Tizgin.kz сайтында Қазақстан Республикасы Құрылтайы депутаттығына кандидаттардың партиялық тізімдерін ұсынған саяси партиялардың сайлауалды үгіт материалдарын орналастыру үшін интернет-алаң ұсынудың жалпы шарттары
«Tizgin» ЖШС – Tizgin.kz сайтының (бұдан әрі – cайт) меншік иесі. Қазақстан Республикасының 1995 жылғы 28 қыркүйектегі №2464 «Қазақстан Республикасындағы сайлау туралы» Конституциялық заңына және Қазақстан Республикасы Президентінің 2026 жылғы 1 шілдедегі №1338 «Қазақстан Республикасы Құрылтайының сайлауын тағайындау туралы» Жарлығына сәйкес cайт Қазақстан Республикасы Құрылтайы депутаттығына кандидаттардың партиялық тізімдерін ұсынған саяси партияларға 2026 жылғы 23 тамызға тағайындалған Құрылтай депутаттарының сайлауына қатысу мақсатында cайтта сайлауалды үгіт материалдарын (бұдан әрі – үгіт материалдары) орналастыру үшін интернет-алаң ұсынудың ақысы, шарттары және тәртібі туралы хабарлайды.
Сайлауалды үгіт кандидаттардың партиялық тізімдерін тіркеу мерзімі аяқталған сәттен басталып, дауыс беру күніне дейінгі күнгі сағат 00:00-де аяқталады. Осыған байланысты үгіт материалдарын Сайтта орналастыру 2026 жылғы 23 шілдеде сағат 18:00-ден басталып, 2026 жылғы 22 тамызда сағат 00:00-де аяқталады.
Сайт интернет-алаңды жазбаша өтініш және Сайттың меншік иесі мен саяси партияның сенім білдірілген тұлғасы арасында жасалатын шарт негізінде ұсынады.
Үгіт материалдарының саны мен орналастыру мерзімі саяси партияның сенім білдірілген тұлғасының жазбаша өтінішінде көрсетіледі және кейіннен шартта бекітіледі.
Өтініштерді тіркеу журналына әрбір жазбаша өтінішке реттік нөмір мен келіп түскен күні беріліп, кезектілік тәртібімен тіркеледі.
Жазбаша өтінішке мынадай құжаттар қоса берілуі тиіс:
- партиялық тізімнің тіркелгенін растайтын құжаттың көшірмесі;
- саяси партияның сенім білдірілген тұлғасының өкілеттігін растайтын құжаттың көшірмесі (оның ішінде уәкілетті орган берген тиісті куәландыру құжаты);
- сенім білдірілген тұлғаның жеке куәлігінің көшірмесі;
- шарт жасасуға арналған сенім білдірілген тұлғаның өкілеттігін растайтын құжаттар.
Үгіт материалдарын cайтта орналастыру кезектілігі жазбаша өтініштердің келіп түсу ретіне қарай белгіленеді. Егер өтініштер бір мезгілде келіп түссе, кезектілік жеребе арқылы айқындалады. Орналастырылған материалдар cайттың desktop-нұсқасында, мобильді нұсқасында және мобильді қосымшасында қолжетімді болады.
Үгіт материалдары Сcйтқа орналастыру күніне дейін кемінде 1 (бір) күнтізбелік күн бұрын HTML5, GIF, JPEG, PNG және Microsoft Word форматтарында ұсынылуы тиіс.
Үгіт материалдарында оларды қаржыландыру көздері туралы көрнекі ақпарат және ақпаратты ұсынған сенім білдірілген тұлғаның тегі көрсетілуі міндетті.
Үгіт материалдарын ұсынған саяси партиялар олардың мазмұнының Қазақстан Республикасы заңнамасының талаптарына сәйкестігі үшін дербес жауапты болады.
Сайттың меншік иесі үгіт материалдарын орналастырудан, егер оларда конституциялық құрылымды күшпен өзгерту, республиканың тұтастығын бұзу, мемлекеттің қауіпсіздігіне нұқсан келтіру, әлеуметтік, нәсілдік, ұлттық, діни, сословиелік және рулық араздықты қоздыру, қатыгездік пен зорлық-зомбылыққа табынуды насихаттау, заңнамада көзделмеген әскерилендірілген құрылымдарды құру идеялары қамтылса, сондай-ақ басқа депутаттыққа кандидаттардың ар-намысына, қадір-қасиетіне немесе іскерлік беделіне нұқсан келтіруі мүмкін ақпарат болса, бас тартуға құқылы. Саяси партияның сенім білдірілген тұлғасы cайттың меншік иесінің талабы бойынша материалдарда қамтылған жоғарыда аталған сипаттағы ақпараттың дұрыстығын растайтын құжаттарды ұсынуға міндетті.
Осы ақпараттық хабарламада көрсетілген интернет-алаңдарды ұсыну шарттары мен тәртібі Қазақстан Республикасының уәкілетті органдарының талаптарына сәйкес өзгертілуі немесе толықтырылуы мүмкін.
АҚПАРАТТЫҚ ҚЫЗМЕТТЕР ҚҰНЫ
ӘЛЕУМЕТТІК ЖЕЛІЛЕРДЕГІ ҚЫЗМЕТТЕР ҚҰНЫ
КОНТЕНТКЕ ҚОЙЫЛАР ТАЛАПТАР
Орналастыруға HTML5, GIF, JPEG, PNG форматтарындағы дайын баннерлер қабылданады.
- Баннердің өлшемі таңдалған форматтың талаптарына дәл сәйкес келуі тиіс.
- Баннер бірнеше жарнаманы имитацияламауы керек, яғни бір суреттің бірнеше кішірейтілген көшірмелерінен тұрмауы тиіс.
- Баннердегі суреттер сапалы, анық болуы және мәтін оңай оқылуы қажет. Бұлыңғыр немесе сапасы төмен кескіндерді пайдалануға жол берілмейді.
- Анимацияның ұзақтығы 30 секундтан аспауы тиіс.
- Анимация циклдік түрде қайталануы мүмкін, бірақ оның жалпы ұзақтығы 30 секундтан аспауы қажет.
- Жарнамада жыпылықтайтын элементтерді, жарқылдайтын фонды және пайдаланушыға қолайсыздық тудыратын өзге де тітіркендіргіш визуалды эффектілерді қолдануға тыйым салынады.
- Скрипттердің зиянды немесе тітіркендіргіш әрекеттеріне жол берілмейді. Мысалы, өздігінен pop-up терезелерін ашу, веб-беттің мекенжайын автоматты түрде өзгерту және осыған ұқсас әрекеттерге тыйым салынады.
- Операциялық жүйенің (ОЖ) интерфейс элементтеріне ұқсас дизайндағы баннерлерді пайдалануға болмайды.
- Баннермен бірге міндетті түрде қону бетінің (landing page) сілтемесі ұсынылуы қажет.
HTML5 форматындағы материалдарға қойылатын техникалық талаптар
HTML5 файлдарын ZIP архивіне жинақтау кезінде төмендегі талаптарды сақтаңыз:
- ZIP архивіндегі HTML5 файлдарының SSL протоколымен үйлесімді екеніне көз жеткізіңіз. HTTPS протоколын қолдайтын сайттарда дұрыс көрсетілуі үшін HTML5 креативтері SSL-мен үйлесімді болуы тиіс.
- Егер HTML5 креативтерін жасау үшін Google Web Designer бағдарламасын пайдалансаңыз, орта (Environment) ретінде DoubleClick нұсқасын таңдаңыз.
GIF, JPEG және PNG форматындағы баннерлерге қойылатын техникалық талаптар
- Баннердің ең жоғары көлемі – 150 КБ.
- Анимациялық GIF баннердің ойнату жылдамдығы секундына 5 кадрдан аспауы тиіс.
PR-материалдарды орналастыруға қойылатын техникалық талаптар
- Барлық үгіт-насихат материалдары Tizgin.kz порталында жаңалық жариялауға қойылатын жалпы талаптарға сәйкес болуы тиіс.
- Материалдың тақырыбы мен лиді Tizgin.kz порталындағы жарияланым форматына сай келуі қажет.
- Тақырыптың ұзындығы бос орындармен қоса 90 таңбадан аспауы тиіс.
- Лидтің ұзындығы бос орындармен қоса 200 таңбадан аспауы тиіс.
- Материалға кемінде бір сурет қоса берілуі қажет (көлденең форматтағы фото, 1920 × 1080 px).
- Бір мақалаға ең көбі 5 суретке дейін орналастыруға болады.
- Сапасы төмен кескіндері бар файлдар қабылданбайды.
- Материалдың мазмұнымен тікелей байланысты болған жағдайда 5 гиперсілтемеге дейін орналастыруға рұқсат етіледі.
Әлеуметтік желілердегі жарияланымдарға қойылатын техникалық талаптар:
Жарияланымдар (Posts)
- Сурет форматтары: JPEG, PNG
- Суреттер саны: 10-ға дейін
- Сурет өлшемі: 1080 × 1350 px (арақатынасы 4:5)
- Мәтін көлемі: бос орындармен қоса 200-ден 2 200 таңбаға дейін
Видео (Reels)
- Ұзақтығы: 1 минутқа дейін
- Ажыратымдылығы: 1080 × 1920 px (9:16)
- Форматы: MP4, MOV.
Жарияланымдар
- Сурет форматтары: JPEG, PNG
- Суреттер саны: 5-ке дейін
- Мәтін көлемі: бос орындармен қоса 3 000 таңбаға дейін
- Сурет өлшемі: 1200 × 630 px
Видео
- Ажыратымдылығы: 1080 px
- Арақатынасы: 16:9 (кең экранды)
- Форматы: MP4, MOV
- Көлемі: 50 МБ-қа дейін
TikTok
- Контент форматы: видео
- Бейне ұзақтығы: 15 секундтан 1 минутқа дейін
- Ажыратымдылығы: 1080 × 1920 px
- Форматы: MP4, MOV
- Файл көлемі: 150 МБ-қа дейін
- Музыка: редакциямен келісім бойынша ұсынылады немесе платформаның кітапханасынан редакция тарапынан таңдалуы мүмкін.
- Сипаттама көлемі: 2 000 таңбаға дейін.
ТӨЛЕМ ТӘРТІБІ
Сайтта үгіт-насихат материалдарын орналастыру жөніндегі жасалған шарт бойынша төлем сайт иесі ұсынған төлем шотының негізінде, шот ұсынылған күннен бастап 5 (бес) жұмыс күні ішінде жүзеге асырылады.
ӨТІНІШТЕРДІ ҚАБЫЛДАУ ТӘРТІБІ
Жазбаша өтініштерді Сайт иесі 2026 жылғы 14 шілдеден бастап, демалыс және мереке күндерін қоспағанда, келесі мекенжай бойынша қабылдайды:
Қазақстан Республикасы, Астана қаласы Мәңгілік ел 8,
Қабылдау уақыты: сағат 10:00-ден 18:00-ге дейін.
