Алматы қаласында «1С: Бизнес үдерістерін цифрландыру шешімдері» атты ауқымды конференция өтті. Іс-шараға Қазақстанның орта және ірі бизнес өкілдері, ІТ-директорлар, қаржы басшылары, HR мамандары және цифрлық трансформация саласындағы сарапшылар қатысты, деп хабарлайды Tizgin.kz.
Конференция барысында «1С:Кәсіпорын 8» платформасы негізінде бизнесті автоматтандырудың заманауи тәсілдері, ERP-жүйелерді енгізу тәжірибесі, салалық шешімдер және аналитикалық құралдарды қолдану мәселелері талқыланды. Бағдарламаның маңызды бөлігі ретінде компаниялардың цифрландыру саласындағы нақты тәжірибелік кейстері ұсынылды.
Қатысушыларға келесі шешімдердің мүмкіндіктері таныстырылды: «Қазақстанға арналған 1С:ERP Кәсіпорынды басқару 2», «Қазақстанға арналған 1С:ERP FLEX», «Қазақстанға арналған 1С:Құжат айналымы КОРП», «Қазақстанға арналған 1С:Біздің фирманы басқару», «Қазақстанға арналған 1С:Еңбекақы және персоналды басқару 8 КОРП», сондай-ақ өнеркәсіп, логистика, ауыл шаруашылығы, құрылыс, сауда және энергетика салаларына арналған салалық өнімдер.
Екі күн ішінде 50-ден астам баяндама мен шеберлік сабақтар өткізілді. Спикерлер қатарында «1С» компаниясының өкілдері, серіктестік желі мамандары және автоматтандыру жобаларын жүзеге асырған кәсіпорын басшылары болды. Өндіріс, сауда және логистика салаларында ERP-жүйелерді енгізудің практикалық тәжірибесі ерекше қызығушылық тудырды.
Сондай-ақ цифрландыру арқылы бизнестің тиімділігін арттыру, ERP-жүйелерге көшу, өндірістік процестерді автоматтандыру, BI-аналитика құралдарын енгізу, құжат айналымы мен деректерді басқару, сондай-ақ жасанды интеллект технологияларын есеп жүйелерінде қолдану мәселелері қаралды.
Конференция аясында қатысушылар бағдарламалық өнімдер көрмесіне қатысып, әзірлеушілермен және енгізуші мамандармен тікелей пікір алмасып, тәжірибе алмасты. Сонымен қатар кәсіби нетворкинг алаңы ұйымдастырылды.
Ұйымдастырушылардың айтуынша, бұл шара Қазақстандағы бизнес цифрландыру және басқару процестерін автоматтандыру тақырыбындағы ең ірі салалық алаңдардың бірі болды.
