«Қазгидромет» 9-11 шілдеге арналған ауа райы болжамын жариялады, деп хабарлайды Tizgin.kz.
СИНОПТИКТЕР НЕ ДЕЙДІ
Синоптиктер батыс және солтүстік-батыс өңірлерде атмосфералық фронттар әсерінен жаңбыр жауып, найзағай ойнайды деп болжап отыр. Кей аумаққа бұршақ түсіп, жел екпіні күшейеді деп күтіледі.
9 шілде күні шығыс өңірлерде де жаңбыр жауатын көрінеді. Кей жерлерде жаңбыр молынан жауады деп күтіледі.
Бұдан бөлек, оңтүстік және оңтүстік-шығыстың таулы аудандарында өткінші жаңбыр мен найзағай ойнайды болжанған. Қалған аймақта ыстық ауа райы сақталады.
ҮШ КҮННІҢ БОЛЖАМЫ
Алдағы күндері күн айтарлықтай ысығалы тұр:
- Батыс пен оңтүстік-шығыста – +33…+42°C;
- Шығыста – +30…+38°C.
- Солтүстік-батыс, солтүстік және орталықта – +32…+40°C;
- Оңтүстікте – +38…+45°C;
