Құрылтай сайлауы өтетін 23 тамыз күні Астанада қоғамдық көлікте тегін қатынауға болады. Бұл туралы City Transportation Systems (CTS) компаниясы мәлімдеді, деп хабарлайды Tizgin.kz.
«Бұл шара азаматтардың қала ішінде еркін қатынауын қамтамасыз ету және сайлау учаскелеріне қолжетімділікті арттыру мақсатында ұйымдастырылады. Жолаушылардан сапарларын жоспарлау кезінде осы ақпаратты ескеруді сұраймыз», – делінген хабарламада.
Компания мәліметіне сәйкес тегін жол жүру келесі бағыттарда қолжетімді:
– Tarlan Astana жеңіл рельсті көлік жүйесінде;
– қалалық бағдарларда;
– экспресс-бағдарларда;
– қала маңы бағдарларында.
Жолаушыларға 23 тамыздағы сапарын жоспарлағанда осы өзгерістерді ескеру ұсынылды.
