Қазақстандық шабуылшы Дастан Сәтпаев өнер көрсететін «Бернли» Англия Чемпионшипінің 11-турында өз алаңында «Вулверхэмптонға» 1:2 есебімен есе жіберді. Сәтпаев екінші таймда ойынға қосылды, деп хабарлайды Tizgin.kz.
«Бернли» есепте алда тұрғанымен, жеңіліп қалды
Кездесудің 20-минутында Джейми Варди гол соғып, алаң иелерін алға шығарды. Алайда үзіліске дейін Фернандо Лопес таразы басын теңестірді. Екінші таймда қонақтар жеңіс голын соқты. 72-минутта Таванда Чирева мергендігімен көзге түсіп, «Вулверхэмптонға» үш ұпай алып берді.
Осы жеңілістен кейін «Бернлидің» еншісінде 8 ұпай қалды. Команда турнир кестесінде 21-орында тұр. Ал 17 ұпай жинаған «Вулверхэмптон» алтыншы сатыға көтерілді.
Сәтпаевтың ойыны қалай бағаланды
Дастан Сәтпаев кездесуді қосалқы құрамда бастады. Қазақстандық футболшы 61-минутта Якоб Бруун Ларсеннің орнына алаңға шықты.
Матчтан кейін Flashscore порталы Сәтпаевтың ойынын 6,4 балға бағалады. Кайл Уокер мен қақпашы Грегуар Кудер де осындай баға алды.
«Бернли» сапында ең жоғары баға Сәтпаев алмастырған Бруун Ларсенге берілді – 7,5 балл. Маркус Эдвардс 6,5, Армандо Броя 6,2, ал Игор 6,1 бал алды.
