Кәсіпкерге тиесілі Fincraft Group компаниясы «Шоқан Уәлиханов атындағы жеке мектептің» (Shoqan School) акционерлері қатарынан шықты, деп хабарлайды Tizgin.kz.
Депозитарийдегі дерек
Ресми дерек қаржы есептілі депозитариіндегі хабарламада жарияланған. Аталған мектеп көпшілік арасында Shoqan School деп аталады.
Рақышев мұның алдында Fincraft Group компаниясы арқылы оқу ордасының 91 пайыз үлесін иеленетін. Енді бұл акцияларды мектептің бас директоры Әсел Тасмағамбетоваға сатты.
Хабарламада не жазылған
«Серіктестік қатысушылары құрамынан «Fincraft Group» ЖШС-ны шығару және Серіктестіктің жарғылық капиталындағы 91% үлесін азаматша Тасмағамбетова Әсел Имангалиевнаға сатуына байланысты азаматша Тасмағамбетова Әсел Имангалиевнаны Серіктестік қатысушыларының құрамына енгізу», – делінген хабарламада.
Бұдан бөлек, Тасмағамбетованың бас директор ретіндегі өкілеттілігі тағы 5 жылға ұзарған.
