Астанада LRT-ны күн сайын қанша адам пайдаланады
Іске қосылғаннан бері LRT 8 млн-нан астам жолаушы тасымалдаған
Tarlan Astana жеңіл рельсті көлігін күн сайын 70 мыңнан астам адам пайдаланады. Бұл туралы Астана қаласының Көлік және жол-көлік инфрақұрылымын дамыту басқармасы басшысының міндетін атқарушы Мадияр Түкпатов мәлімдеді, деп хабарлайды Tizgin.kz.
Іске қосылғаннан бері LRT пойыздары 8 млн-нан астам жолаушы тасымалдаған. Жыл соңына дейін бұл көрсеткішті 10 млн жолаушыға жеткізу жоспарланып отыр.
«Қазіргі уақытта орташа тәуліктік жолаушылар ағыны шамамен 73 мың адамды құрайды», – деді Мадияр Түкпатов Қоғамдық кеңес отырысында.
Astana LRT 16 мамырда ресми түрде ашылды.
Қала әкімінің мәліметінше, мамыр айының соңында LRT-ны тәулігіне орта есеппен 65-75 мың адам пайдаланған. Ал шілде айының қорытындысы бойынша Tarlan Astana-ның табысы 500 млн теңгеден асқан.