Алматының Алмалы ауданында патрульдік полиция интимдік қызмет көрсетуге пайдаланылған болуы мүмкін екі нысанды анықтады. Боди-салон ретінде жұмыс істеген орындардан төрт әйел полицияға жеткізілді, деп хабарлайды Tizgin.kz Алматы полициясына сілтеме жасап.
Екі мекенжайдан төрт әйел анықталды
Полиция мәліметінше, нысандардың бірі Чайковский көшесіндегі үйде, екіншісі Төреқұлов көшесіндегі көпқабатты тұрғын үйде орналасқан. Алдын ала дерек бойынша, екі нысан да боди-салон ретінде жұмыс істегенімен, ішінде интимдік қызмет көрсетілген. Әр мекенжайдан екі әйелден анықталған. Полиция олардың барлығы Алматыға өзге өңірлерден келгенін хабарлады. Арасында Қарақалпақстаннан келген бір әйел бар.
Төртеуі де Алмалы аудандық полиция басқармасына жеткізілді. Қазір олардың жеке басы анықталып, өзге құқық бұзушылықтарға қатысы бар-жоғы тексеріліп жатыр.
Пәтер иелерінің әрекетіне де құқықтық баға беріледі
Тексеру барысында аталған орындарды пайдалануға берген пәтер иелерінің әрекеттері де қаралады. Полиция олардың әрекетіне құқықтық баға берілетінін мәлімдеді. Тексеру қорытындысына қарай заңға сәйкес шаралар қабылданады. Әзірге полиция тексерудің түпкілікті нәтижесін және қандай жауапкершілік қарастырылып жатқанын жариялаған жоқ.
Посмотреть эту публикацию в Instagram
