Жаңалықтар

Қазақстаннан 32 мемлекетке тікелей ұшуға болады

Қазіргі уақытта Қазақстаннан әлемнің 32 мемлекетіне тікелей әуе рейстері орындалады. Халықаралық әуе қатынасының бағыттары 161-ге жетті, деп хабарлайды Tizgin.kz.

Сонымен қатар елдегі авиациялық қауіпсіздік деңгейі де жақсарған. Қазақстанның Халықаралық азаматтық авиация ұйымының (ICAO) стандарттарына сәйкестік көрсеткіші 95,7%-ға жетті.

Елде әуе бағыттарын көбейтумен қатар, әуежай инфрақұрылымын жаңғырту жұмыстары да жалғасып жатыр.

2026 жылдың соңына дейін Зайсан және Қатонқарағай аудандарында, сондай-ақ Кендірлі курорттық аймағында салынып жатқан жаңа әуежайлардың құрылысын аяқтау жоспарланған.

Бұдан бөлек, Қостанай облысындағы Арқалық әуежайын жөндеу жұмыстары аяқталды. Жаңғыртылған әуежай алғашқы жолаушыларын қабылдап үлгерді.

Нұрай Әкіремхан

Нұрән Әділет – Tizgin.kz ақпарат-сараптама порталының білім саласына маманданған тілшісі. С.Аманжолов атындағы ШҚМУ-ды “қазақ тілі мен әдебиеті” мамандығы бойынша тәмамдаған. Филология ғылымдарының магистрі. Еңбек жолын ШҚО-дағы “Өскемен” газетінде корректор, артынша тілші болып бастаған. 2022 жылы “Jana Bastau” газетінде редактордың орынбасары болған. Әр жылдары Inbusiness.kz сайтында корректор, Qaz365.kz порталында тілші, Kursiv Media-ның Business News бөлімінің тілшісі болып жұмыс істеген. 2026 жылдың наурыз айынан бастап Tizgin.kz порталының арнайы тілшісі.
Back to top button