Ресей үкіметі жанармай экспортына қойылған тыйымды 2027 жылдың 31 қаңтарына дейін ұзартты, деп хабарлайды Tizgin.kz.
Шектеу мерзімі
Одан бөлек, дизель мен кеме отынын және газойл экспорттау бойынша шектеулер осы жылдың 1 қыркүйегіне дейін күшінде болады.
Reuters басылымы Ресейде бензин өндірісі үшінші ай қатарынан сұраныс деңгейінен төмен қалды деген мәліметті бөлісті. Шілдеде бұл айырмашылық 700-800 мың тоннаға жеткен.
Жанармай тапшылығы
Әлемдегі ірі мұнай экспорттаушы елдердің бірі саналатын Ресейдің өзінде қазір жанармай тапшылығы күшейіп, біршама өңірінде бензинге шектеу енгізілді. Бекеттерде ұдайы ұзын-сонар кезек. Баға уақыт өткен сайын қымбаттап барады.
Бұған негізгі себептердің бірі ретінде Украинаның Ресейдегі мұнай өңдеу зауыттарына жасаған дрон соққылары аталып отыр.
