Оқиға

Қостанайда үш қабатты әкімшілік ғимарат өртеніп, от екі көлікке тараған

Қостанайда үш қабатты әкімшілік ғимараттан өрт шығып, өрт ғимарат маңында тұрған екі жеңіл автокөлікті де шарпыған. Құтқарушылар ғимараттың екінші қабатынан әйел адамды алып шықты, деп хабарлайды Tizgin.kz.

ТЖД мәліметінше, өрт бүгін Қостанай қаласындағы Әл-Фараби даңғылының бойында орналасқан үш қабатты әкімшілік ғимараттың маңында басталған.

Оқиғаның мән-жайы

Алдын ала дерек бойынша, жалын кейін ғимараттың сыртқы қаптамасына өтіп, үшінші қабаттағы кабинет пен шатырға жеткен. Сонымен қатар өрт сол маңда тұрған екі жеңіл автокөлікті шарпыған.

Өртті сөндіру кезінде ТЖМ қызметкерлері ғимараттың екінші қабатында әйел адамның қалып қойғанын анықтаған.

«Өртті сөндіру барысында ТЖМ қызметкерлері екінші қабатта болған әйелді құтқарды. Арнайы құтқару капюшонының көмегімен әйел ғимараттан шығарылып, ТЖМ Апаттар медицинасы орталығының бригадасына тапсырылды. Зардап шеккендер туралы ақпарат түскен жоқ», – делінген ТЖД хабарламасында.

Ведомство әзірге зардап шеккендер туралы ақпарат жоқ екенін мәлімдеді.

Нұрай Әкіремхан

Нұрән Әділет – Tizgin.kz ақпарат-сараптама порталының білім саласына маманданған тілшісі. С.Аманжолов атындағы ШҚМУ-ды “қазақ тілі мен әдебиеті” мамандығы бойынша тәмамдаған. Филология ғылымдарының магистрі. Еңбек жолын ШҚО-дағы “Өскемен” газетінде корректор, артынша тілші болып бастаған. 2022 жылы “Jana Bastau” газетінде редактордың орынбасары болған. Әр жылдары Inbusiness.kz сайтында корректор, Qaz365.kz порталында тілші, Kursiv Media-ның Business News бөлімінің тілшісі болып жұмыс істеген. 2026 жылдың наурыз айынан бастап Tizgin.kz порталының арнайы тілшісі.
Back to top button