«ҚТЖ» компаниясының мәліметінше, кішкентай бала далада жалғыз өзі Айнабулак станциясына қарай жүріп бара жатқан. Оны Сарыөзек – Үштөбе бағытымен келе жатқан жүк пойызының машинисті кездейсоқ байқап қалған, деп хабарлайды Tizgin.kz.
Пойызды дереу тоқтатқан
Машинист баланы көрген бойда пойызды тежей бастаған. Құрамды тоқтатып, баланы пойыздың кабинасына алып кірген.
Баланы ата-анасына тапсырды
Айнабулак станциясына жеткен соң машинист баланы кезекшіге тапсырған. Станция кезекшісі баланың ата-анасымен байланысқан. Баланың теміржол маңындағы далада қалай және не себепті жалғыз қалғаны әзірге нақтыланбады.
