FlyArystan әуе компаниясы 26 қазаннан бастап Астанадан Қытайдың Инин (Құлжа) қаласына тікелей рейстерді іске қосады, деп хабарлайды Tizgin.kz.
Рейстер кестесі
Астанадан ұшақ таңғы сағат 07:55-те ұшып, Ининге жергілікті уақыт бойынша 13:20-да жетеді. Кері рейс Ининнен 15:20-да ұшып, Астанаға 14:50-де қонады.
FlyArystan компаниясының президенті әрі бас атқарушы директоры Йохан Эйдхаген жаңа бағыт іскерлік және туристік сапарларға, сондай-ақ туған-туыстарға барып-қайтуға мүмкіндік беретінін атап өтті.
Инин қаласы туралы не білеміз
Инин қаласы Қытайдың Шыңжаң-Ұйғыр автономиялық ауданында орын тепкен. Ол Іле Қазақ автономиялық облысының әкімшілік орталығы саналады.
Қалада қазақ қауымдастығы көп шоғырланған. Оның тарихы мен мәдениеті Қазақстанмен тығыз байланысты.
