Астанада 46 жастағы ер адам «Тұлпар» көпірінен суға секірген. Бұл туралы Астана қаласының полиция департаменті хабарлады, деп жазады Tizgin.kz.
Не болған
Полиция мәліметінше, «102» арнасына «Тұлпар» көпірінен ер адамның суға секіргені туралы хабарлама түскен. Суға түскеннен кейін 46 жастағы ер адам өздігінен жағаға шыққан. Оқиға орнына жеткен полиция қызметкерлері оның қауіпсіздігін қамтамасыз ету үшін қажетті шараларды қабылдаған.
Кейін ер адам мамандандырылған медициналық көмек көрсету үшін дәрігерлерге тапсырылды.
Полиция ескертуі
Елордалық полиция көпірден суға секіру қауіпсіз ойын-сауық емес екенін ескертті.
Ведомствоның мәліметінше, судың тереңдігі мен ағысы, су астындағы кедергілер және басқа да жағдайлар адамның өмірі мен денсаулығына қауіп төндіруі мүмкін.
Полиция мұндай әрекет сырттай қауіпсіз аяқталғандай көрінгенімен, ауыр зардаптарға соқтыруы ықтимал екенін атап өтті.
