“Қазгидромет” өкілдері Қазақстан бойынша шілде айына арналған ауа райы болжамын жариялады, деп хабарлайды Tizgin.kz.
Соған сенсек, жаздың екінші айында аптап ыстық болады. Синоптиктер мәліметінше:
- елдің солтүстігі мен шығысында ауаның орташа температурасы +18…+23 градус шамасында болса;
- оңтүстікте +28…+30 градусқа дейін көтеріледі;
Артынша аптап ыстық күшейіп, ауа температурасы көтеріледі:
- солтүстік пен шығыста ауа температурасы +42…+43 градусқа дейін;
- орталық, батыс және оңтүстік-шығыс өңірлерде +47…+48 градусқа дейін;
- оңтүстігінде +50 градусқа дейін жетуі ықтимал.
Күн қатты ысығанмен, шілде айында күннің салқындауы да күтіледі. Солтүстік және шығыс облыстарда түнгі уақытта ауа температурасы кей жерлерде +5 градусқа дейін төмендеуі мүмкін.
“Қазақстанның солтүстігінде шілде – жылдың ең жауын-шашынды айы. Жауын-шашын көбінде найзағаймен қатар жүреді. Ал кей жерде нөсер жаңбыр түрінде жаууы ықтимал”, – делінген мәліметте.
